YA ABA SALEH AL MAHDI ADRIKNI

Shabe taare

Kabhi ai haqeeqat e muntazar

Nazar aa libaas e majaaz

Ki hazaro sajde tadap rahe

Hai meri jabeen e niyaz mein

Shabe tare   Bekarare

Dil k chaar nadaare…….

Ae masiha e jahan

Waris o mukhtar e haram

Ae mere barwe mola

Teri azmat ki qasam

Jis tarha hai Mujhe allah k hone ka yaqeen

Is tarhan hai  teri ghaibat pe yaqeen e mohqam

Apni har saans mujhe lagti hai khanjar ki tarha

Hijr e malik mai hu betaab mai nokar ki tarha

Lamha lamha mere sarkaar teri aamad ka

Muntazir rehta hu shabbir k mimbar ki tarha

Jab kahin roshni paigham e sahar laati hai

Khud ba khud khaana e kaaba pe nazar jaati hai

Jab nazar aata nahi hai tera jalwa mola

Ho k maayoos nazar meri palat jaati hai

Lazzate hijr tere wasl ka aaina hai

Teri furqat ka mere dil mein aza khaana hai

Mere is baat ki bohlol gawahi denge

Jo bhi deewana hai wo tera bada daana hai

Intezaare Ali akbar se jahan mein guzri

Apne bhai se bichad kar jo kabhi mil na saki

Aap ko waasta hai mola usi sughra ka

K ruk jaae na saa’nse meri

Jab kabhi ghaib se Rehan Imam aaenge

Saath Abbas e dilawar ka Alam laaenge

Beridaee ki jo Zainab ki wo Badla lenge

Ashk Sajjad ki Aankhon k bhi tham Jaaenge

-Shahid Husain Baltistani  & Rehan Azmi

Posted in: noha lyrics